|
SubscriptionsSites I Read
|
|
|
|
| 23/6 Monday 今晚約左靜華dinner , 六年冇年啦 ~~ 好enjoy 同佢傾計 , 畢竟曾經係無所不談的好朋友 !! 記得以前剛升上中學 , 日日都煲電話, 同佢講我新識左o羊同學 , 話佢知我每日發生的事 , 但係後來愈來愈少聯絡, 由最初的日日 >>> 一星期>>> 一個月 F.5 放榜後 , 簡直變左零聯絡 ~~ 
P.S 靜華已經沒返教會好耐 , 希望有機會帶佢返恩泉 !! 30 / 6 深圳一日遊 話說我公司員工係有Birthday Leave , 而七一又係紅假 , 所以有得補假 , 哈哈 !! 正 ~~~ 連放四日假  決定再次北上 ~~~ 第 1 站 ---- 華強路 聽聞呢度好多o野行 但係我一出地鐵站 , 就只係見到無數的電子產品廣場 , 電子用品商場 ~~ 我地唯有向前行 , 終於俾我一個 < 女人世界商場 > 點知d衫真係勁女人 , 話哂我今日都仲係 ((( 十八 廿二 ))) 的年紀呀 又行左附近一陣 , 發現附近d商場都好新好大 , 但係真係唔適合我 之後去東門按摩 點知途經一條隧道時,發現居然今日停電 , 成條隧道又長又黑媽媽 , 基本上係伸手不見五指 嚇到我死,捉實陳先生 !! 我其實並唔怕黑 , 但係呢度係深圳 如果有人搶你o野 , 你都唔會見到佢地個樣 , 亦冇可能捉到 ~~ 出左隧道已經嚇到成身汗~~ 2 Hours 全身按摩 + 1 hour 腳底按犘 + 擦背 好舒服ar~~~ 1/7 Happy Birthday to me (((告別十八廿二))) Yeah ~~~ 出太陽 ~~去南丫島洪聖爺灣 ~~   
呢個沙灘好污槽 , 但係好淺好淺水 , 行到出浮波 , 居然都掂到地 ~~ 夜晚唱k ~~ 今日我曬黑了 , 曬到有個背心印 !! 晚上沖涼時發現耳仔內仍然有沙 ~~ 哈哈 ~~~ 呂嘉玲小姐的 ((( 一撥 ))) , 果然利害 !!! 多謝陪我過生日的Market rangers ,  多謝各位的生日sms and 電話 !! 謝謝Dicky 的禮物 !!! 後記 ::: 今日上網見到呢單新聞 6 個 泳 灘 水 質 欠 佳 | 2008-07-04 HKT 14:03 | | 環 保 署 公 布 33 個 泳 灘 的 評 級 ， 其 中 6 個 被 評 為 三 級 ， 即 水 質 欠 佳 ， 分 別 是 大 浪 灣 泳 灘 、 馬 灣 東 灣 、 蝴 蝶 灣 、 銀 礦 灣 、 加 多 利 灣 以 及 銀 線 灣 泳 灘 。 被 評 為 一 級 ， 即 水 質 良 好 的 泳 灘 有 2 個 ， 分 別 是 廈 門 灣 泳 灘 以 及 洪 聖 爺 灣 泳 灘 ， 其 餘 25 個 泳 灘 水 質 一 般 ， 被 評 為 二 級 |
|
香港有2個洪聖爺灣嗎?? 點解呢個洪聖爺灣水質良好, 我去o個個就污槽到爆 ?? 2/7 今晚收到由美國專人速遞到香港的生日禮物 ~~ 哈哈 !!! 謝謝Tina ~~~ miss you ar ~~~ 3/7 Happy Birthday to 媽咪 Dinner @ Kowloon City 粗菜館 Yeah !!! 好好味 | | |
| 今日終於的起心肝update 下我呢個xanga ~~ 實在記唔哂每日發生的事 , 唯有簡短o甘記下 : 8/6 – 9/6 珠海澳門遊 好好天ar , 尋日仲黑雨 , 今日就出大太陽 !! 八點幾就約左 Cyu , Rosane 同阿賢食早餐 ~~ Yeah ~~~ 珠海 Go Go Go ~~~ 約十一點就到珠海 , 本來有免費巴去Hotel , 但係我地只不過係去一去toilet , 架免費巴走左, 唔等我地 , 好差 !! 實在唔識坐o羊車去Hotel , 而碼頭不斷有人兜搭我地坐佢地d車 , 一d話20蚊 , 一d話30蚊 ~~我地怕上錯賊車 , 所以決定行去Hotel !!! 沿住 (( 情侶路 )) , 行去Hotel , 這條---情侶路 , 一點也不浪漫 !! 熱到死 ~~ 第1個景點 ---白蓮洞公園  
污水湖上踩水上單車 ,   
陳先生不停話好累 , 又唔係比賽 , 踩o甘快做o羊 ?? 第2個景點 --- 中葯谷泡溫泉  
呢度都ok 大 , 又平 !! 有差唔多20個池 溫泉有熱又有冷水 不過好多蚊 , 叮到兩位男仕成身都係 , 可憐 ~~ 有部份池入面有d ((( 小昆蟲屍體 ))) ,可怕 !!! 可能因為呢度好多樹 , 又有草 , 好有森林 feel , 有個池仲好似一個山洞 !! Dinner 去左食seafood 好好味的辣酒煮東風螺   
本來想去情侶路散步 ,但大家都怕熱 , 冇去到 !!
Day 2 去左拱北行街 and Lunch ~ Lunch 時, Tina 打俾我 , 佢一聽到我去左珠海之後 , 就話 ((( 你係咪又去左按摩 ??)), 哈哈哈哈 …果然好了解我, 比你識穿左添 ~~ Lunch 後 , 經拱北過澳門 , 原來珠海澳門真係o甘近 , 去左威尼斯   , 又去左官也街食超好味的 ((( 榴蓮雪榚 ))) , 又去左大三巴 ! !! 好開心的兩日一夜 12 /6 Market ranger gathering 約左Market ranger dinner ~~ 去左打邊爐 ~~ 食左勁勁勁多 o野 , 唔怪得我重左o甘多 , 食唔停 !! 今日好齊人 , 只差 Tina , miss you ar !! 好彩今日Lunch 同你傾左一個鐘IDD 補返數 ~~ o係公司煲電話 , 實在唔可以太大聲 , 亦唔可以過份興奮 , 成日要就住就住 !! 13/6 Friday 小學同學聚會 Facebook 實在太神奇了 , 繼上次搵到德蘭同學外 居然俾我搵d小學同學 , 所以我地就約左出o黎 聚o下舊~~ 大家都話我Keep 得最好 , 個樣冇點變 , 佢地以為我以前都係長hair (我其實p.6剪到勁短 , 一路到F.3 先留長) 佢地估我做o羊工作 ? 點知ToTo 話 (((( 陳麗果似係結左婚 , 賢妻良母或者似係教書)) O 嘴ar ~~~ 難道我真的很有媽媽Feel 嗎 ? 定係我似師奶 ?? 定係我有種 少婦的氣質 ?? 有好多唔同年代識的朋友都不約而同 , 異口同聲o甘講 , 就連o甘耐冇見舊同學都係o甘講 ~~ 好搞笑law ~~   
期待下次更大型的聚會 !!! | | |
| 又有一段時間冇update 了 ~~~ 實在覺得打xanga 對於唔識打字的我確係有點麻煩 在屋企要慢慢地在手寫板上寫 , 而係公司就仲煩 , 要用mouse 寫 !!! 但我又唔想放棄xanga , 好耐之前真係有打算 ((( 寫日記 ))) , 然後影張相 , 再post 上xanga ~~但我手字太醜 , 所以打消呢個念頭 ~~ 早幾日無聊睇yahoo Blog , 發現真係有人用手寫的方法寫Blog http://hk.myblog.yahoo.com/yykeri/article?mid=980&prev=1556&next=8 感覺好得意 ~~ 呢一刻好懷念家中一本本手寫的日記 , o果時同Ling & Tina 玩交換日記, 一人一本 , 而每人寫完一個星期就交俾下一位再寫 , 印象中好像寫了兩本就停了這個交換習慣 , 大家都太忙 ~~ 自己就繼續寫 , 寫左太約年幾 , 都停左了 !!! 真係好懷念o果D日子 ~~~ _____________________________________________________________ 呢個星期好無聊 , 因為屋企電視天線有問題 , 已經有一個星期睇唔到了 , 雖然不是電視迷, 但返到屋企冇左電視聲, 靜英英的 , 好唔慣 !! 其實我知我住o果條街 , 好多人都收唔到電視 , 聽日有人o黎整天線 , 千萬一定要得 !! | | |
| 呢個星期返工都比較無聊 ~~ 今朝早公司發生左一件搞笑事 我個公司的總經理佢返返o下工訓左 仲訓到打鼻鼾 ,,,, 哈哈哈哈哈哈 ~~~ 笑死我 !!!! 我呢個男上司平時Lunch 都日日訓 ,lunch hour 係私人時間 當然Okay ~~ 有幾次俾我見到佢戴住眼罩訓, 勁有準備lor 雖然我知佢唔舒服食左葯洽眼訓, 但office hour 都訓得 , 仲訓左好耐!!! o甘點解唔sick leave ?? 有點怪怪的 _______________________________________________________________________________________ 講返尋晚啦 ~~ 約左02年義工訓練識的朋友仔出o黎食飯 Jenny , Man Ho , Gary And Cyu 哈哈 ~~~原來大家都鐘意玩無聊 IQ 題  
| | |
|
